Integekanyagihe yerekana ko :

• mu ntara kama za Mugamba, Buyenzi, igice ca Bututsi, igice ca Mirwa hamwe n’igice c’Imbo hitezwe imvura iri ku rugero rusanzwe rw’igihe c’impeshi mugabo ishobora kurenga urwo rugero mubice bimwe bimwe vy’izo ntara kama
• Mu zindi ntara kama zisigaye (Kirimiro, Moso, Bweru, Bugesera et Buyogoma) hitezwe imvura iri ku rugero rusanzwe mugabo ruri musi gato y’urugero imvura yarisanzwe igwirako muri rusangi mu gihe c’impeshi

Integekanyagihe y’impeshi ya 2025 yerekana ko impeshi nyezina izotangura :

• Hagati y’iminsi cumi na mirongo ibiri y’ukwezi kwa Ruhuhuma mu duce tw’intara kama z’Imbo, Mirwa, Mugamba, Bututsi, Buyenzi n’igice ca Buragane.
• Hagati y’iminsi mirongo ibiri yanyuma y’ukwezi kwa Ruhuma n’iminsi cumi yambere y’ukwezi kwa Ntwarante 2025 mu zindi ntara kama zisigaye.

Integekanyagihe y”impeshi ya 2025 yerekana ko agatasi kazohera :

• hagati y’minsi cumi n’iminsi mirongo ibiri yambere y’ukwezi kwa Rusama 2025 mu ntara kama z’Imbo, Moso, Buragane, igice ca Mirwa, igice ca Bututsi n’igice ca kirimiro.
• Hagati y’iminsi mirongo ibiri n’iminsi mirongo itatu ihereza ukwezi kwa Rusama 2025 mu ntara kama zisigaye (igice ca Kirimiro, Mirwa, Mugamba, Buyenzi, Bweru, Bugesera, Buyogoma) .

Integekanyagihe y’impeshi ya 2025 yerekena ko hitezwe ubushuhe buri hejuru y’ urugero rusanzwe rumenyerewe mu gihugu cose mu gihe c’impeshi